Search
  • Admin

Çend Helbestên Ehmed Meter


Hemwelatiyek

Tişta dizanim ku ez hemwelatiyek im

Û welatê min ji dewlemendtirîn welatên cîhanê ye

Lê ez birçîme...

Zarokên min pêxwas in...

Û mala min bi kirê ye..

Û bermîlên petrolê bêheyf dibin…

Her dem...

Û milyon têne xerckirin...

Ji kesên din re...

Û ez lawê vê erdê

Deyndar im…


Duh ez bi hêviyê re axivîm


Duh ez bi hêviyê re axivîm

Min jê re got: Dibe ku ji me ra bêhn ji berate û pîvazan derkeve?

Got: Belê

Min got: Dibe ku agir ji şiliyê pêkeve?

Got: Belê

Min got: Gelo talîşkê hingiv diniqute?

Got: Belê

Min got: Erd dikeve bêrîka Keywanê?

Got: Belê … erê … her tişt pêkane ye.

Min got: Dêmek Erebên me dê fedî bikin

Got: Ger ev yek çêbû, tif li rûyê min bike!


Govanek


Azadiyê nexwazin, ey mirov!

Lê bi azadiyê bijî

Ger birêveber razî bû….ser çavan

Û ger na…

Hewl bide wî bi nermî razî bike

Jê jê re bêje bila deryayê vexwe

Û nîvê jêrzemînê daqurtîne!

Azadî ne ji derkifşa wî ye!

Heke bawer nekir govanekî bîne.


Helbest: Ehmed Meter

Werger: Evîn Hesen


Ehmed Meter (1954) helbestvanekî Îraqî ye ku bi dehên salan e ji derveyî welatê xwe dijî.

82 views0 comments

Recent Posts

See All